Shtepia e bletes Marku: 12/08/16

Video & Foto

DITE DIMRI NE DHJETORE

9:35 PM

Semundjet e bleteve

Askosferoza , nje nga semundjet me te rrezikshme per bletet !

9:25 PM

Semundjet e bleteve

Acid Oksalik per luftimin e armikut te famshem Varroa !

9:24 PM

Per nje tjeter teme do te flasim sot te nderuar kolege . Vitet e fundit gjithnje e me shume bletare zgjedhin Acidin Oksalik per luftimin e Varroas . Une besoj se kjo ndodh per shkak te perparesive qe ky acid shfaq ne krahasim me produktet e tjera qe perdoren per te njejtin qellim .
Se pari behet fjale per nje trajtim biologjik dhe se dyti shume ekonomik . Se treti zvogelon jashtezakonisht shume numrin e Varroas , pra eshte teper efikas .

Doza e trajtimit :

Ne 1 liter uje shtoni 1 kg sheqer . Nga bashkimi i ujit me sheqerin do te perfitohet 1660 ml perberje .

Ne qofte se sheqeri eshte shkrire ne uje te nxehte duhet patjeter te ftohet perseri , qe me pas te shtohet acidi .

Tek kjo perberje do te shtoni dhe 80 gram Acid Oksalik (Dihydrate) ose 60 gram Acid Oksalik (Dehydrate) . Pasi Acidi Oksalik eshte shtuar ne perberjen fillestare trazohet mire qe te perfitohet nje mase homogjene .

Kaq , asnje gje tjeter !

Se cilin Acid Oksalik nga dy llojet e permendura me siper keni blere do te mund ta lexoni ne amballazhin e produktit .

Ju lutem lexojeni me kujdes amballazhin qe te mos beni gabime te cilat do te kene pasoja !

Stina e dimrit eshte duke ardhur dhe gjithashtu momenti i duhur per trajtimin e bleteve kunder Varroas . Momenti me i pershtatshem per kete trajtim eshte rreth gjysma e muajit Dhjetor kur kolonite jane ne sferen ose lemshin dimeror dhe pjellja eshte pothuajse inekzistente .

Perdorimi i Acidit Oksalik per luftimin e Varroas perben nje metode relativisht e re dhe teper premtuese .

Duhet t'ju permend gjithashtu se lloji i Acidit Oksalik duhet te jete i stampuar ne etiketen e amballazhit dhe jo i shkruar ne nje cope letre , kujdes edhe nje here !

Acidi Oksalik e vret Varroan me ane te kontaktit por edhe nepermjet hemolimfes se bleteve ne te cilat Varroa eshte i kapur dhe ushqehet . Po ashtu interesant eshte fakti se Varroa mund te vdesi edhe 15 dite pas aplikimit . Kjo eshte e mundur pasi Acidi Oksalik shkaterron organet thithese te gojes me te cilat Varroa ushqehet duke i shkaktuar pas disa ditesh vdekjen nga uria .

Le te shohim tani se cfare eshte Acidi Oksalik .

Acidi Oksalik eshte nje acid alifatik dikarboksilik i njohur gjithashtu si ester oksalik . Eshte shume i perhapur ne natyre dhe i lire mund te gjendet ne disa kerpudha . Po ashtu eshte i vendosur ne bimen Oxalis , ne disa alga dhe likene madje dhe ne urinen e njeriut dhe te kafsheve .

Menyra e aplikimit :

Pasi perberja e kerkuar eshte pergatitur plotesisht , me ane te nje shiringe , do ta terheqim dhe me pas do te aplikojm 5 ml nga perberja per cdo rruge mize pra midis dy kornizave me ushtri do te hedhim 5 ml perberje . Ne qofte se kemi korniza me vetem nje faqe me ushtri do te aplikojm 2,5 ml perberje .

Pra , sasia e aplikuar duhet te jete 5 ml per cdo rruge me blete ose 2,5 ml per cdo faqe kornize me blete .

Kujdes !

Hidhet 5 ml perberje nese korniza eshte plotesisht e mbushur me blete duke u kujdesur qe e gjithe perberja te bjere mbi bletet ushtare dhe nuk kryhet asnje trajtim tjeter per disa muaj .

Aplikimi dimeror kunder Varroas ka rezultate teper te kenaqshem dhe perben masen 95 % te trajtimit te nevojshem vjetor . Trajtim tjeter kunder Varroas me Acid Oksalik mund te kryhet gjithashtu gjate muajit Gusht por me doza te tjera te cilat do ti pershtaten temperaturave te larta te veres . Keto doza do ti publikojm ne nje artikull tjeter ne te cilin do te perfshihet vetem trajtimi veror .

Efektiviteti i ketij trajtimi eshte teper i madh . Une ne pese vjet aplikimi nuk kam verejtur ndonje efekt anesor mbi bletet dhe mbretereshat dhe kjo mund te konsiderohet arsyeja kryesore qe e keshilloj .

Semundjet e bleteve dhe Varroa !

Edhe bletët sikurse dhe qenjet e tjera të gjalla kane sëmundjet e tyre. Sëmundjet e bletëve tek ne janë shumë të përhapura. Pa njohjen e mirë të këtyre sëmundjeve nuk mund të mendohet për një bletari të suksesshme.

Këto sëmundje shkaktohen nga agjendët patogjen, parazitët, substancat toksike, kushtet e vështira të jetesës së bletëvë.
Bletët janë shumë të ndieshme nga sëmundjet, të cilat mund të jenë, ngjitëse dhe jo ngjitëse. Sëmundjet ngjitëse shkaktohen sic thame më lartë nga mikroorganizmat patogjen ndersa sëmundjet jo ngjitësë nga kushtet e këqija të mjedisit. Nje nga semundjet kryesore qe perballen bletet eshte Varroa e cila eshte nje parazit shume i lashte qe ka prekur se pari bletet indiane.

Larvat e infektuara kane procesin e zhvillimit te crregulluar. Ne larven e bardhe shifen lehte pikat e kuqrremta te cilat jane Varroa. Larvat dhe nimfat e infektuara per shkak te thithjes se hemolimfes nuk jane te qeta dhe shpesh lindin me te meta trupore.
Ju demtohen disa pjese te sistemeve qendrore dhe lindin me disa pjese te demtuara te trupit.
Pjellja nuk eshte kompakte dhe egzistojne hoje te zbrazeta. Lindin blete me deformime te pjeseve te trupit e me se tepermi kane te deformuar krahet e tyre.

Bletet rriten me gjoks dhe abdomen te dobet, dhe kane pamje jo te mire. Per shkak te ketyre defekteve, bletet dalin me heret dhe vdesin ne fushe dhe shoqeria numerikisht zvogelohet.

Meshkujt e infektuar humbin aftesine seksuale dhe behen te papjellshem.
Varroa paraqet njerin prej faktoreve kryesor per perhapjen e viruseve te tjera ne bletari dhe kjo eshte arsyeja kryesore per te cilen duhet te mbahet nen kontroll .

Kalendari

KALENDARI I PUNEVE NE BLETARI PER MUAJIN -DHJETOR 2016

9:10 PM

Kalendari

KALENDARI I PUNEVE NE BLETARI PER MUAJIN -NENTOR 2016

9:01 PM

Kalendari

KALENDARI I PUNEVE NE BLETARI PER MUAJIN -TETOR 2016

8:55 PM

Kalendari

KALENDARI I PUNEVE NE BLETARI PER MUAJIN -SHTATOR 2016

8:45 PM

Semundjet e bleteve

Bleta dhe sëmundjet e saj- Pjesa e parë

7:33 PM

Nga Dr Agim Nelaj

BLETA DHE BLETARI

Mëma, në vetvete, është forca njësuese e bashkësisë; nëse e largojmë nga zgjoi, bletët punëtore do t’ia ndjejnë shumë shpejt mungesën. Pas disa orësh ose dhe më pak, ato shfaqin shenja të pagabueshme të mungesës së një udhëheqjeje. Nuk ju duket ky fakt intrigues?!

Meditoni pak më gjatë. Ju po hyni në botën e bletëve, gjykoni se po i futeni një aventure të mrekullueshme, bletarisë, që do t’ju ndryshojë jetën. Ndikimet do të jenë të menjëhershme e të mirëpritura, sa të vendosni lidhjen e parë me një familje blete. Mbarështimi i bletës nxit ato pjesë të fjetura të pasioneve tuaja; çliron disa zona të të menduarit dhe të të vepruarit pa kahje dhe shtyn në këndvështrime më racionale.

Bletari rishtar, fillimisht, përballet me rrethana të reja, që i duken të mistershme dhe shqetësuese. Vetë nuk mund të kuptojë dhe nuk di çfarë të bëjë tjetër. Është fatmirësi për të, po të ketë pranë dikë që mund ta pyesë. Gjithmonë duhet një udhëheqës, që të të sqarojë kur ti has diçka të pakuptueshme. Por, çuditërisht, gjatë marrëdhënieve të përditshme me bletarët me përvojë, kemi vënë re se edhe ata bëjnë po të njëjtat pyetje; duke u përballur me situata të njëjta, habiten e çoroditen, nuk orientohen si duhet.

Një ditë, Albert Ajnshtajni u vizitua nga një student i tij, i cili i tha:

– I nderuar profesor, pyetjet për provim të këtij viti janë të njëjta si vitin e kaluar!

– Po, – ia ktheu pedagogu, – por këtë vit të gjitha përgjigjet janë të ndryshme.

Bletarëve, sot, mund t’u krijohet ndjesia se ndodhen në një rrethanë të ngjashme. Menaxhimi i bletores, për të qenë i suksesshëm, kërkon punë, kujdes dhe mund të gjatë. Në pranverë mund të kemi rrethana të shkëlqyera dhe bletari parashikon një vit të mbarë. Por, papritur, vërehen humbje familjesh. Rrethanat mbresëlënëse zhduken dalëngadalë. Bletari shikon se situata po i del nga dora, gjendja rëndohet dhe çdo gjë shkon drejt dështimit. Nuk duhet të ligështohet, sado vështirë, ka një rrugëdalje. Zgjidhjen më të saktë mund ta japë vetëm bletari për bletoren e tij. Një bletar që ka dijet e nevojshme, që është i plotësuar, ai është njeriu më i aftë për t’i dhënë zgjidhje. Nuk ka shkencëtar, specialist të mirëfilltë të fushës, që mund ta njohë më mirë se ai familjen e bletëve a bletoren e tij. Çdo familje ka veçanti. Vetëm ai që e ka ndjekur ecurinë, gjendjen, rezervat ushqimore, mbretëreshën, pjelljet, daljen nga dimri, prekjen nga sëmundjet etj., mund të mirëdrejtohet dhe të gjejë rrugëzgjidhje.

Studiuesi, shkencëtari, sjell informacionin më bashkëkohor, që është një vlerë e shtuar dhe e pazëvendësueshme në fushën e bletarisë. Por e rëndësishme është që bletari të ketë aftësinë e njohjes së këtij informacioni, me qëllim që në zgjidhjen e dyzimeve dhe vështirësive të jetë i pajisur me dije të nevojshme.

Duke mbarështuar për një kohë të gjatë bletë, kjo punë e përditshme me to i bën bletarët të përkushtuar, aq sa ka ndër ta që janë të lidhur edhe shpirtërisht me bletët. Ata vazhdojnë të hulumtojnë, për të zbuluar të fshehtat e familjes së bletëve. Këta hobistë, në qendër të vemendjes së tyre kanë mbretëreshën. Ka nga ata që mendojnë se e njohin mirë, ashtu siç ka edhe bletarë që mendojnë se mbretëresha, si dhe gjithë veprimtaria e familjes bletë, i përket një bote misterioze, e pamundur të njihet dhe se mundësia për të vepruar me to është e kufizuar, në mos e pamundur. Në takimet, bletarët pyesin dhe kërkojnë shpjegime për dukuri të zakonshme dhe të përsëritshme, ndonëse syri i tyre kureshtar e vëzhgon natyrën e mbretëreshës dhe marrëdhëniet me pjesëtarët e tjerë të familjes. Në këtë hapësirë, ata vërejnë dukuri befasuese, që lidhen më ligjësi të organizimit të familjes.

Informacioni mbi probleme të caktuara përftohet prej gjykimesh dhe vlerësimesh të hetuara nga një kënd i veçantë vëzhgimi. Secili do të perceptojë, pikërisht, gjëra nga ato që i interesojnë, bazuar në vlerat, bindjet dhe paragjykimet e tij. Bletari, thellë vetes, synon ndryshimin, por sjellja herë-herë flet për të kundërtën. Që të ndryshosh është e vështirë.

Për një periudhë të gjatë të jetës sime profesionale, fati e ka dashur të punoj me bletarinë dhe të njoh shumë bletarë. Në marrëdhënie me ta, ashtu si i kam ndihmuar me njohuritë e mia në këtë fushë, ashtu kam mësuar nga përvoja e tyre e vyer. Çdo bletar është si një institucion më vete; ai ka veçoritë e tij, cilësitë dalluese. Mbarështimi i bletës, krahas kënaqësisë, bart dhe vështirësi. Vështirësia qëndron tek gjasa, se nuk mund të gjykohet dhe të dilet në përfundime në një çast të dhënë. Ajo ka të shkuarën, të tashmen dhe të ardhmen. Në qoftë se nuk e ndjek procesin në vazhdimësi, është e pamundur të japësh një mendim të saktë.

Familja e bletëve, nga jashtë, lë përshtypjen e një fabrike, në të cilën të gjithë pjesëtarët sillen si automatë – robotë, pa mendim të lirë apo vullnet vetjak. Por e vërteta është ndryshe, më e ndërlikuar: bleta punëtore merr pjesë individualisht në sjellje që përfshijnë mbikëqyrje, vendimmarrje dhe udhëheqje.

Për shembull: bletët (kujdestare ose punëtore) “vendosin” se kur duhet të bëjnë ndonjë nga punët e tjera të panumërta, duke përfshirë këtu edhe drejtimin nikoqir të familjes. Ato mund të marrin vendime të tilla si: ndërrimin e mbretëreshës, ndërtimin ose jo të hojeve, sa duhet të jetë madhësia e hojes (punëtore, mashkull apo Mëmë) etj. Bletët punëtore ndodhen edhe para të papriturave, dëmtimeve, humbjeve apo rrënimit të familjes.

Bletarët kërkojnë shpjegime dhe duan të kuptojnë mekanizmin që shkakton rrënimin e një familjeje. Për këtë, mua më nevojitet të gjej duke gërmuar thellë nëpër libra: sjelljen e bletëve, feromonet, mundësinë e sigurimit të ushqimeve, sëmundjet infektive, parazitare, përgjigjen imunitare, efektet negative mjedisore etj. Studimi i thelluar dhe i plotë është një përpjekje që duhet bërë për të kuptuar biologjinë e bletës, disa anë të padukshme të saj, që në bisedat e përditshme quhen “Jeta sekrete e bletëve”. Sa më afër bletëve, aq më pak misterioze do të na duken disa dukuri, të cilat duhen njohur dhe çmuar. Sa më shumë mësojmë për këtë “superorganizëm” që e quajmë familje bletë apo bashkësi, aq më shumë mahnitemi nga dinamika e ndërlikuar që shfaqet brenda zgjoit.

Për të kuptuar të vërtetën sesi “mendon” një familje, duhet të kuptojmë ekonominë e një zgjoi. Ekonomia e bletës ngjason me atë të një shteti të zhvilluar që synon të sigurojë rezerva, duke luftuar që këto pasuri t’i ruajë, t’i mbrojë nga grabitësit, apo të zgjidhë kolapset ekonomike duke kursyer për periudha me mot të rënduar.

Një përshkrim i ekonomisë së familjes pasohet me komunikimin, modelimin dhe sjelljen e anëtarëve të saj, sesi “mendojnë” dhe veprojnë në varësi me ndryshimin e kushteve mjedisore.

E kuptoj që kjo është një ndërmarrje ambicioze, sidomos pasi jam i detyruar të bëj më shumë hulumtime, të kërkoj lëndë, studime, vlerësime, apo të trokas mbi tastierë duke “gërmuar” dhe të kontrolloj parqe bletësh. Jam i mbështetur nga mjaft bletarë, nga vlerësimi i tyre për përpjekjet e mia. Më ka prekur thellë dëshira e shumë bletarëve të mirë, si edhe “uria” e tyre për të shtuar njohuritë rreth kësaj shoqërie me insekte interesantë.

Do të doja ta bëja të qartë, se unë nuk kam ndonjë aftësi të veçantë, për të parashikuar ecurinë e mëtejshme të bletarisë (bletarët e mbarështojnë bletën në kohë të vështira). Dukshëm bletarët po përballen me sfida serioze, që lidhen me përhapjen e sëmundjeve të ndryshme infektive dhe parazitare. Këto, së bashku me ndryshimet klimatike, me zhvillimin e një bujqësie “të pastër” e të ngarkuar me pesticide, si dhe me kultivimin e monokulturave, kanë pasoja në zhvillimin e mëtejshëm të bletarisë. Përvoja shumëvjeçare na mëson se bletët kanë treguar gjithmonë një përshtatje të mahnitshme, gjë që do ta dëshmojnë plotësisht edhe në të ardhmen.

Asnjë nuk mund t’u thotë bletarëve: duhet të bëni këtë apo atë. Bletët nuk kërkojnë vetëm “një kuti të thatë dhe shumë bimë mjaltore”. Por ata duhet të përfitojnë nga sensi i përbashkët i mbarështimit të mirë. Sa më shumë të kuptojë bletari ecurinë e ekonomisë të familjes, aq më i saktë do të jetë në vendimet që duhet të marrë. Askush nuk mund të marrë vendime më të mençura menaxhimi në bletoren e tij, sesa mund të marrë vetë i zoti.

Bletari krijon marrëdhënie të tilla me bletët, që të jep përshtypjen sikur bashkëbisedon. Bletaria dhe marrëdhëniet me të janë një fushë, sa e gjerë, aq edhe e thellë, e studiuar dhe e eksperimentuar shumë më vonë, krahasuar me fushat e tjera të bujqësisë dhe blegtorisë. Bleta vazhdon të ngelë tepër intriguese për njeriun; sa më shumë përpiqet njeriu ta studiojë, të njohë të fshehtat dhe jetën e saj, aq më shumë i zmadhohet rrethi i të panjohurave, aq më shumë enigma shtrohen për t’u zgjidhur.

Bleta, në thelbin e vet, është një qenie mbrojtëse, jo sulmuese dhe që shquan për këtë veçori. Bleta ka natyrë të urtë, ajo bëhet agresive vetëm për të ruajtur jetën, familjen. I vetmi zëmërim i verbër vërehet tek mbretëresha e sapodalë, të cilën nevoja për mbijetesë e çon drejt një rivaliteti primitiv, që përfundon me asgjësim.

Me anë të instinkteve, prekjes, nuhatjes, shikimit etj., bleta vendos lidhje me mjedisin; krijon një botë rretheqark. Marrëdhëniet e ndërsjellta me bimësinë zënë e ngjizen qysh në fillesën e jetës së bletës; janë, pra, shumë të hershme dhe vazhdojnë të pandryshuara. Le t’i vëzhgojmë me kujdes raportet në fjalë. Bima jeton vetëm në kuptimin e kufizuar të një qenie të gjallë. Praktikisht, në të ose rreth saj, ekziston jeta. Ne themi se ajo merr frymë, ushqehet, shumëfishohet, por, në të vërtetë, ajo është, thjesht, efekt i proceseve që formojnë një unitet, krahas proceseve mjedisore natyrore, si dita dhe nata, shkëlqimi i diellit dhe toka. Bima vetë nuk mund të jetë dhe të zgjedhë. Ajo nuk zgjedh as pozicionin dhe as ushqimin e saj. Nuk lëviz vetë, por vihet në lëvizje nga era, ngrohtësia dhe drita.

Jeta e bletës është lidhur pazgjidhshmërisht me jetën e palëvizëshme bimore. Bleta, si qenie, ka një epërsi të lindur; ajo ka evoluar shkallë-shkallë, jo vetëm së jashtmi, por dhe së brendshmi.

Bleta, që në fillim të ekzistencës së vet, i ka ndërtuar hojet rreptësisht saktë, ashtu siç bën edhe tani; ashtu do të vazhdojë t’i ndërtojë sa të jetë. Ato i pëkasin asaj, po aq sa ç’i përkasin trajta e krahut, e trupit etj. Jeta e bletëve lëviz lirisht në përgjithësi, por ekzistojnë prirje që janë potencialisht të fjetura. Nuk është e vërtetë që bleta “kujdeset” për pjelljet; kujdesi është një ndjenjë që parakupton vegim mendor për të ardhmen, shqetësim për çfarë do të jetë, pikërisht, ashtu si keqardhja parakupton kujtesën për çfarë ishte.

Veprimtaria e saj e përkujdesjes është, ashtu siç do gjë tjetër e përmendur më sipër, një përgjigje e pandërgjegjëshme ndaj nxitësit, siç gjendet dhe në lloje të tjera të jetës. Kjo është një cilësi e species.

Unë, nëpërmjet shënimeve të mia, synoj t’i shpreh marrëdhëniet me bletët sa më kthjellët, me dashuri dhe me ngjyrime poetike. Bletari, dalëngadalë, i dashuron bletët dhe këtë dashuri e thellon me kalimin e viteve. Bleta të tërheq, të bind, të magjeps, të shtyn drejt shndërrimit. Bletari e bën këtë me aq dashuri e ngrohtësi njerëzore, saqë edhe mes shqetësimesh të pashmangshme, e shoqëron sërish jetën e përditshme të saj.

Shkenca ka studiuar, historikisht, tek bleta materien, (lëndën). Studimi i saj është vetëm sipërfaqja e ekzistencës. Sot, shkenca ka bërë një hap, ka kapërcyer pragun. Ajo, sot, pohon se ekziston energjia, që është një shtresë më e thellë se lënda. Bletari, në marrëdhëniet me botën sekrete të bletëve, nuk e ka të mjaftueshme vetëm të kuptojë.

Bletari e njeh bletën nëpërmjet arsyetimit me mekanizmin e të menduarit. Kjo nuk është aq e thellë, ndërsa marrëdhëniet me bletën kërkojnë diçka tjetër, më të thellë, intuitë, dije. Ka mjaft veprime të bletarit që bëhen në heshtje, që nuk mund të thuhen dhe as të përshkruhen. Edhe vetë bletarin po ta pyesësh më vonë, nuk di çfarë të thotë, ka qenë në një “botë” tjetër. Marrëdhëniet me bletën janë tepër të holla, të ndjeshme. Bleta e “ndjen” bletarin se kur ai punon me kënaqësi dhe kur është i stresuar. E ndjen se kur i bën ai veprimet me përtesë, i tensionuar, apo kur tregon pasiguri. Ajo e “njeh” veprimin e tij, që nga mënyra sesi e hap zgjoin, sesi i lëviz kornizat, sesi e përdor tymësen, si e kontrollon dhe kur e kontrollon.

Marrëdhëniet bletar-bletë nuk janë sipërfaqësore, këtu flitet për t’u kredhur në të panjohurën, lidhet me intuitën. Bleta ta zhvillon atë, kur e njeh mirë jetën e saj. Marrëdhëniet me bletën ngushtojnë humnerën mes teje dhe gjithçkaje në jetë. Bleta të jep mundësi të lidhësh “marrëveshje” me realitetin e vërtetë. Bletari diçka kërkon, diçka dëshiron; jeta vazhdon të jetë zhgënjyese, sepse ajo është ajo që është. “Humbja” në botën e bletëve të qartëson për faktin se nuk është realiteti kundër teje, por ti nuk je në harmoni me të. Bleta të shtyn drejt një kërkimi shpirtëror, që do të thotë të njohësh dhe pjesët negative. Ajo të orienton që ta vlerësosh jetën ashtu siç është. Bleta të nxit të meditosh. Meditimi është diçka më e madhe se të arsyetuarit, ajo është diçka e patreguar, është vetëdije. Nëse Ajnshtajni do të kishte mëtuar ta përcillte dijen, mund ta dëgjoje, por nuk mund ta kuptoje. Dhe, kur nuk kupton, ekzistojnë të gjitha gjasat që të keqkuptosh. Se nga të kuptuarit deri tek të moskuptuarit ndodh një dukuri e ndërmjetme: keqkuptimi.

Bletari që mbarështon prej kohësh bletë, paraqet disa veçori që nuk kanë lidhje me moshën, arsimimin, gjendjen shoqërore-ekonomike, profesionin. Një nga cilësitë tepër të dukshme të një bletari është njeri që dashuron, në kuptimin e mirfilltë të fjalës, çdo gjë në jetë. Bletarët e përballojnë jetën me entusiazëm, me sportivitet. Thjesht, jetojnë çdo rrethanë. Janë të natyrshëm, pranojnë realitetin. Janë të çliruar nga stresi, ankthi. Janë shumë të ndjeshëm, ndonjëherë edhe emocionalë. Në dallim nga të tjerët, ata i gëzohen veprimtarisë së mbarështimit të bletëve, ashtu siç mërziten kur bletët nuk shkojnë mirë. Ata kanë një lloj pavarësie në jetën e tyre. Nuk ankohen për gjëra që nuk janë në gjendje t’i ndryshojnë. U pëlqen natyra, malet, lindja dhe perëndimi i diellit, në përgjithësi fauna dhe flora. Qëndrojnë larg klubeve, argëtimeve, sallave plot tym, tavernave etj. Ata janë njerëz që merren me punën dhe jetën e tyre. Aktiviteti i gjatë, njohja e organizimit të familjes dhe veprimtarisë së përgjithshme të bletëve, ua ka kultivuar sjelljet. Janë njerëz me nivel të lartë energjie, janë kureshtarë. Masë e jetës së tyre është, jo të shmangin vështirësitë, por t’i përballojnë ato. Nëse pengohen në jetë, do të ngrihen, do të shkundin “pluhurin” dhe do të vazhdojnë pa u tërhequr.

Bletari u përket atyre që nuk vrapojnë pas kënaqësive gjithfarësoj; veçmas kënaqësia e lumturia e tyre është shpërblimi prej bletëve.

Përjetimi i një bletari

Ishte hera e parë që i afrohesha një bletoreje. Bletari që më udhëzonte, ishte një profesionist i zoti. Më dha, fillimisht, një leksion që e quajti “etika e sjelljes në një bletore”; kështu u futa në botën e bletëve. Në krye të herës, përfytyroja sikur, për një çast, të isha aq i vogël, saqë të mund ta ndiqja bletën brenda zgjoit; por, përsëri, do ta kisha të vështirë, se është errët, mendova…

… Dëgjoja një zhurmë, që më dukej sikur vinte nga diku larg. Mbështeta kokën tek zgjoi, dëgjoja një si gurgullimë ibriku që valon, një zhurmë gumëzhitjeje po ngjitej lart; ishte zhurma e mijëra bletëve që vënë ajrin në lëvizje. Mbylla sytë, për t’u përqendruar, siç bëjnë njerëzit në koncertin e një orkestre të madhe që luan muzikë klasike. Ma ha mendja, nuk do të quhej e tepruar, po të pohoja se nuk kisha dëgjuar kurrë një harmoni aq të ëmbël. Duhet ta kishit dëgjuar me veshët tuaj, për të kuptuar sesa të përsosura janë intonacioni, ritmi, si dhe ndryshimi i vëllimit të zërit. Isha mbështetur dhe ngjeshur te një kuti gjigante muzikore. Harrova fare se ku ndodhesha, me sytë mbyllur, ishte një ëndërr, që nuk e kisha përjetuar më parë, ndjehesha gati i larguar nga jeta, në gjysmë vetëdije…

Kur më mungon zhurma e bletëve, është njësoj sikur më mungon mërmërima e detit. Nuk isha bërë i ndërgjegjshëm se ndihesha me të aq shumë i sigurt. Qetësia ka një uturimë të çuditshme që gati të çan timpanin e veshit. Njerëzit ende nuk kuptojnë sa të zgjuara janë bletët; edhe më shumë se delfinët…

i dobishem

Sëmundjet që kuron mjalti dhe kanella

6:34 PM

Është konstatuar se përzierja e mjaltit me kanellë shëron shumë sëmundje. Ne po renditim listën vijuese të sëmundjeve që mund të shërohen me mjaltë dhe kanellë sipas hulumtimit të disa shkencëtarëve të perëndimit.

Sëmundjet e zemrës
Përgatitet një qull nga mjalti dhe pluhuri i kanellës, lyeje bukën me të, në vend të xhelatinës dhe marmelatës dhe haje rregullisht për mëngjes. Ajo zvogëlon kolesterolin në arterie dhe e shpëton pacientit nga sulmi në zemër. Po ashtu atyre që tashmë e kanë përjetuar atakun kardiak, nëse ata e marrin këtë ilaç për çdo ditë, atyre ua parandalon sulmin tjetër në zemër. Përdorimi i rregullt i ilaçit të përmendur më lart normalizon frymëmarrjen dhe forcon të rrahurat e zemrës. Në Amerikë dhe Kanada, shtëpi të ndryshme të shëndetit kanë trajtuar me sukses pacientët dhe kanë konstatuar se pasi arteriet e vjetra dhe venat e humbin fleksibilitetin e tyre dhe bllokohen, mjalti dhe kanella i rigjallërojnë arteriet dhe venat e tilla.

Artriti reumatik
Pacientët që vuajnë nga sëmundja e artritit mund ta marrin këtë ilaç për çdo ditë, në mëngjes dhe mbrëmje, një gotë uji të nxehtë me dy lugë mjaltë dhe një lugë çaji me pluhur kanelle. Nëse ata e marrin këtë rregullisht madje edhe artriti kronik mund të shërohet. Në studimet e fundit të kryera në Universitetin e Kopenhagës, është konstatuar se kur mjekët kanë trajtuar pacientët e tyre me këtë lloj ilaçi të përzier (një lugë mjaltë dhe gjysmë luge pluhur kanelle) para mëngjesi, ata kishin vënë re se brenda një jave nga 200 njerëz 73 pacientëve krejtësisht ju kishin pushuar dhembjet dhe brenda një muaji, shumica e pacientëve që nuk kanë mundur me ecin më parë ose të lëvizin përreth për shkak artritit kanë filluar të ecin pa ndier më dhimbje.

Infektime
Merrni dy lugë gjelle me pluhur kanelle dhe një lugë çaji mjaltë dhe vendosi në një ujë të vluar, ose të vakët dhe pije atë. Ajo përzierje (ilaç) i shkatërron mikrobet në fshikëzën e urinës.

Dhimbjet e dhëmbit
Përgatisni një pastë nga një lugë çaji pluhur kanelle dhe pesë lugë çaji mjaltë dhe vendosi në dhëmbin që të dhemb. Kjo procedurë mund të aplikohet tri herë në ditë deri sa të ndalet dhimbja e dhëmbit.

Kolesteroli
Dy lugë çaji mjaltë dhe tri lugë çaji pluhur të kanellës, të përzier në 450 gramë në ujë çaji, i jepet pacientit që vuan nga niveli i lartë i kolesterolit, është vërejtur se ia zvogëlon nivelin e kolesterolit në gjak 10 % brenda 2 orëve. Siç u përmend te pacientët që vuajnë nga sëmundja e artritit, nëse përdoret tri herë në ditë, shërohet cilido lloj kolesteroli.

Ftohjet
Ata njerëz që vuajnë nga ftohjet e zakonshme apo të mëdha duhet ta marrin një lugë të vakët me mjaltë me 1/4 e lugës pluhur kanelle në ditë në kohëzgjatje prej 3 ditësh. Ky procesmarrja e ilaçit në këtë mënyrë do të shërojë shumicën e ftohjeve kronike dhe do t’i pastrojë sinuset.

Dhimbjet e barkut
Mjalti kur të merret me pluhur kanelle, shëron dhimbjet e stomakut dhe gjithashtu e pastron stomakun nga ulcerat që nga rrënjët.

Sistemi imun
Përdorimi i përditshëm i mjaltit me pluhur kanelle forcon sistemin imun dhe e mbron organizmin nga bakteret dhe sulmet virale. Shkencëtarët kanë zbuluar se mjalti përmban vitamina të ndryshme dhe hekur në sasi të mëdha. Përdorimi i vazhdueshëm i mjaltit i forcon rruazat e gjakut për t’i luftuar bakteret dhe sëmundjet virale.

Mostretja
Pluhuri i kanellës i spërkatur në dy lugë çaji me mjaltë, që merret para ushqimi, liron thartirë dhe i tret ushqimet më të rënda.

Plakja e ngadalshme
Çaji i përbërë nga mjalti dhe pluhuri i kanellës, kur të merren me rregull mund të ndikojë në mos mplakje. Merrni 4 lugë mjaltë, 1 lugë pluhur kanelle dhe 3 gota uji vloji ato për çaj. Pije 1/4 e gotës, 3-4 herë në ditë. Atëherë si rezultat i saj lëkurën do ta kesh të freskët të butë dhe jo të rrudhët-të mplakur.

Puçrrat
Pasta e përbërë nga tri lugë çaji me mjaltë dhe një lugë çaji me pluhur kanelle. Përdore këtë pastë në puçrra para se të biesh në gjumë dhe laji ato ditën e nesërme në mëngjes me ujë të ngrohtë. Nëse e përdor për çdo ditë për dy javë rresht, t’i largon puçrrat që nga rrënjët e tyre.

Infektime të lëkurës

Përdorimi i mjaltit dhe pluhurit të kanellës në masë të barabartë në pjesë të infektuara shëron ekzemën-dermatitisin, qeretin dhe të gjitha llojet e infeksioneve.

Humbja e peshës
Përdorimi i përditshëm në mëngjes gjysmë ore para mëngjesit, në stomakun e zbrazët dhe në mbrëmje para fjetjes, pini mjaltë dhe pluhur kanelle të vluar në një gotë uji. Nëse këtë e përdor rregullisht, kjo ta zvogëlon peshën madje edhe personave më të shëndoshur. Gjithashtu pirja e kësaj përzierje rregullisht nuk lejon të akumulohet dhjamë-yndyrë, madje edhe nëse ai person merr kalori të mëdha.

Kanceri
Në studimet e fundit të bëra në Japoni dhe Australi është zbuluar se kanceri në stad të lartë të zhvillimit të tij në stomak dhe eshtra është shëruar me sukses. Pacientët që vuajnë nga këto kancere të tilla duhet të marrin për çdo ditë (mëngjes, drekë dhe në mbrëmje) tre lugë çaji mjaltë dhe një lugë çaji pluhur kanelle në kohëzgjatje prej 30 ditësh.

Lodhja
Në studimet e fundit të bëra është konstatuar se përbërja e sheqerit në mjaltë është më shumë ndihmëse se dëmtuese e fuqisë së trupit. Qytetarët e moshuar, të cilët marrin mjaltë dhe pluhur kanelle në masë të njëjtë janë më vigjilent dhe fleksibël. Dr.Milton, i cili e ka bërë këtë studim, thotë se gjysmë luge e çajit me mjaltë që merret në një gotë uji dhe ajo spërkatet me pluhur kanelle, kur të merret për ditë pas fshirjes dhe rreth orës 3 pas dite, kur vitaliteti i trupit fillon të bjerë, ai ilaç e rrit vitalitetin në trup brenda një jave.

DITE DIMRI NE DHJETORE

Askosferoza , nje nga semundjet me te rrezikshme per bletet !

Acid Oksalik per luftimin e armikut te famshem Varroa !

Semundjet e bleteve dhe Varroa !

KALENDARI I PUNEVE NE BLETARI PER MUAJIN -DHJETOR 2016

Nje tjeter teme do te trajtojme sot te dashur miq , e cila duhet te merret parasysh nga te gjithe bletaret e rrinje , te cilet shqetesohen per bletet e tyre kur temperaturat jane te ulta dhe kur jashte bie debore .

Dimerimi i familjes ne kushtet e duhura !

Ngushtimi i bleteve per dimerim !

KALENDARI I PUNEVE NE BLETARI PER MUAJIN -NENTOR 2016

KALENDARI I PUNEVE NE BLETARI PER MUAJIN -TETOR 2016

KALENDARI I PUNEVE NE BLETARI PER MUAJIN -SHTATOR 2016

Bleta dhe sëmundjet e saj- Pjesa e parë

Sëmundjet që kuron mjalti dhe kanella

Kategorite

Rreth meje

Shikim te kendshem

Duaji bletet

Llojet e bleteve

Postimet e fundit

Arshiva e Blogut

Translate

Nje tjeter teme do te trajtojme sot te dashur miq , e cila duhet te merret parasysh nga te gjithe bletaret e rrinje , te cilet shqetesohen per bletet e tyre kur temperaturat jane te ulta dhe kur jashte bie debore .

Kategorite

Rreth meje

Shikim te kendshem

Duaji bletet

Llojet e bleteve

Postimet e fundit

Arshiva e Blogut

Subscribe To

Translate