Kriza ushqimore, shenjat e para të së cilës po vihen re aktualisht në botë, mund të jetë akoma dhe më e ashpër, më e pamëshirshme nga ç’parashikohej në të vërtetë.

Komfirmim i këtij supozimi është fillimi i reduktimit të popullatës së bletëve në planet. Shkencëtarët kujtojnë, në këtë rast, paralajmërimin e Albert Einstein: në qoftë se do të zhduken bletët, pas 4 vjetësh në planet do të zhduken edhe vetë njerëzit.

Mbi rrezikun që kërcënon bletët filloi të flitet që në vitin 2006. Europa këto kohët e fundit po humbet çdo vit 1/5 pjesë të familjeve të bletëve.

Një tendencë e tillë po vërehet edhe në Amerikën Latine dhe në Azi. Humbja e bletëve për njerëzimin do të thotë heqje dorë nga produktet e apikulturës – mjalti, propolisi, helmi i bletëve.

Shkenca botërore tashmë ka provuar prej kohësh se ky insekt modest e punëtor – bleta e mjaltit – përcakton deri në 1/3 e shportës ushqimore të njeriut. Prandaj humbja e këtyre bletëve, prodhuese të mjaltit, do të thotë humbje kolosale pikërisht në gamën e produkteve ushqimore.

Bletët janë “kampione” të vërteta në çështjen e pjalmimit (polenizimit). Në zonën e përgjegjësisë së tyre hyjnë agrumet, mollët, kafeja, kakao dhe pjesa më e madhe e perimeve. Pa insektet pjalmuese (polenizuese) nuk do të rriten arrat, pjeprat dhe frutat e bimëve të vogla kaçubore (për shembull manaferrat).

Të gjitha këto kultura i sigurojnë njeriut 35% të kalorive si dhe shumicën e mineraleve, vitaminave dhe antioksidantëve të domosdoshme.

Disa specialistë mendojnë se rreziku kërcënues për bletët fshihet në rrezatimin elektromagnetik – rrjetet celulare kanë mbuluar tashmë një pjesë të qenësishme të planetit, ndërsa efekti, ndikimi i tyre mbi bletët, po ashtu si dhe mbi vetë njeriun, nuk është studiuar praktikisht fare deri tani.

Pikërisht sferat e veprimtarisë së njeriut, një ose disa, dhe provokojnë zhdukjen e bletëve.